Христос Воскресе!
Когда люди просят молитв за них, кроме поминания их имени в молитве “о живых”, о здравии: “Спаси, Господи и помилуй”..имена...какие еще молитвы читать за них?

Уважаемая Наталия!

Молитвы за ближних

Господи, благослови меня принести молитвы и моления Твоему Благоутробию о моем ничтожестве и о всех моих родных и знаемых, как здравствующих, так и почивших, за коих Ты умер на Кресте.

Молитва за ближних Богу Отцу

Благодарим Тя, Господи Боже наш о всех благодеяниях Твоих яже от первого возраста до настоящего, в нас, недостойных рабех Твоих (имена), бывших, ихже вемы и не вемы, о явленных и не явленных, яже делом бывших и словом: возлюбивый нас якоже и Единородного Твоего Сына о нас дати изволивый, сподоби и нас достойны быти Твоея любве. Даждь словом Твоим мудрость и страхом Твоим вдохни крепость от Твоея силы, и аще что хотяще и нехотяще согрешихом, прости и не вмени и сохрани душу нашу святу, и представи ю Твоему Престолу и совесть имущу чисту, и конец достоин человеколюбия Твоего, и помяни, Господи, всех призывающих Имя Твое во истине, помяни всех, блага или сопротивная нам хотящих: вси бо человецы, и всуе всяк человек; темже молимся Тебе, Господи, подаждь нам Твоего благоутробия велию милость.

Молитва за ближних ко Пресвятой Богородице

О Всемилостивая Госпоже, Дево Богородице! Вонми смиренному молению нашему, вознеси к Сыну Твоему и Богу нашему матернее Твое моление о рабах Божиих (имена), да не отвержет нас грешных от лица Своего, но, яко милостив, да простит нам согрешения наша вольная и невольная, да сохранит нас от соблазнов мира, от козней диавольских и от нападения видимых враг, да сотворит нам дни благи и безмятежны, яко благ Господь, от всея твари со Отцем и Святым Духом славимый во веки веков.
Пресвятая Богородице, спаси нас!
О Пресвятая Госпоже, Владычице моя Богородице, Небесная Царице! Спаси и помилуй мя, грешнаго раба Твоего, и раб Божиих (имена) от напрасныя клеветы, от всякия беды и напасти и внезапныя смерти. Защити мя, Владычице Богородице, от всех враг моих видимых и невидимых и от всякаго злаго обстояния.
О Пресвятая Госпоже, Владычице Дево Богородице! Приими недостойную молитву мою и сохрани мя и раб Божиих (имена) от внезапныя смерти и даруй ми и рабам Божиим (имена) прежде конца покаяние.
Пресвятая Богородице, спаси нас!
Ты мне хранительница жизни всея явися, Пречистая; Ты мене избави от бесов в час смерти; Ты и по смерти мене упокой.